Padayon gihapon ang pag-issue og show cause order sa LTFRB ug LTO batok ngadto sa usa ka taxi driver ug ang operator niini, bisan pa man nga nangayo na kini og pasaylo sa panghitabo.
Padayon sab nga ginatawagan ang maong reklamante aron nga iatubang na kini ngadto sa maong taxi driver nga maoy nagpalisod-lisod kaniya, aron nga makuhaan na sab kini og tukmang detalye.
Kagahapong adlawa, gipatawag sa City Transport and Traffic Management Office ang usa ka taxi driver nga matud pa gipakanaog ang pasahero niining adunay dala nga himugso tunga sa dalan ug kusog ang ulan.
Subay sa maong social media post sa pasahero, mihangyo kini nga sa Coastal road na lamang muagi ang giingong taxi ingon man nga duol lamang kini sa destinasyon sa pasahero.
Apan matud pa hingpit nga mibalibad ang taxi driver ug miingon nga traffic sa giingong dapit ug gipakanaog na lamang kini.
Dugang pa sa pasahero nga nahabilin usab ang cellphone sa usa ka anak pa niini sa maong sakyanan nga ginagamit niini sa tulunghaan atol sa pagpakanaog.
Samtang, miani og reaksyon ang maong post diin kadaghanan niini nangasuko sa wala panganli nga taxi driver.
