-- ADVERTISEMENT --
DAVAO CITY – Nababagan sa Task Force Davao ang usa ka driver sa taxi kinsa buot unta mupalusot og illegal nga droga sa syudad. Pasado ala una sa kaadlawon dihang giharang sa border control point sa Barangay Lasang ning syudad ang usa ka taxi.
Sumala pa sa Task Force Davao, pasulod na unta dinhi sa syudad ang suspek nga nagmaneho nga si Andy Sairot Doncillo, 45 anyos, kinsa residente sa Santo Nino Buhangin.
Pero inay sa syudad, sa prisohan na nilahos ang dinakpan gumikan sa nakuhang illegal nga droga sa iyang posisyon. Gibana-banaang mikantidad og 72 mil pesos ang gituohang shabu nga nakuha sa mga otoridad.
Paslak karon sa bilanggoan ang suspek samtang nagpa abot sa iyang arraignment.
