DAVAO CITY – Gikatakdang magpagula sa bulan sa Mayo ang Tax Research and Action Team (Tract) ug pinal nga listahan alang sa pag-amyenda sa Tax Code dinhi sa siyudad.
Segun ni Davao City assistant administrator Tristan Dwight Domingo, gi-usab na nila karon ang proposed amendments ilabi na ang pagpasaka sa revenue-generating measures sa dakbayan.
Gitataw sab ni Konsehal Danilo Dayanghirang nga kalakip sa ilang gipahigayon nga tigum ang question and answer sessions ingon man deliberasyon sa mga rason nganong adunay pipila ka parte sa Tax Code sa siyudad ang kinahanglan nga tangtangon ug kung nganong adunay pipila niini ang kinahanglan usab nga dungagan.
Samtang gibutyag usab ni Domingo nga kinahanglan na nga bag-ohon ang tax code nga wala gi-amyendahan sulod na sa napulo ka tuig.
Nasayran sab sa opisyal nga ang nakolekta karon nga buhis sa siyudad ang pa-igo sumala pa aron masuportahan ang panginahanglanon sa dakbayan.
