Gimugna karon sa probinsyal nga kagamhanan sa Davao De Oro ang “Task Force Kahimsog” aron nga matutukan ang panglawas sa katawhan sa tibuok probinsya.
Sa maong programa nga gipangunahan ni Gov, Raul Mabanglo nga tutukan ang mga nag-unang problema sa upat ka mga ospital nga nahimutang sa mga nagkadaiyang munisipalidad.
Nasayran nga ang upat ka mga ospital ang nahimutang sa Pantukan, Laak, Montevista, ug Maragusan.
Gipasalig karon sa kadumalaan sa nasampit nga probinsya nga masiguro ang pagka-epektibo, paghatod sa sa mga dekalidad nga serbisyo sa panglawas ngadto sa mga tawo pinaagi sa maayung pagdumala sa mga pamunuan sa matag ospital.
Gisiguro usab karon sa panggamhanan nga adunay ihatag nga susportang pinansyal, monitoring sa mga proyekto, pag-assess sa pisikal, pagmonitor sa mga operasyon sa matag ospital.
Kini nga lakang ang gimugna human nga nadiskubrihan sa bag-ong Gobernador nga adunay daghang mga kakulangon sa mga ospital atol sa nahimong pagbisita niini sa nakalabay nga semana.
Pipila niini ang wala matapos nga mga proyekto sulod sa ospital, kakulangon sa tambal, bentilasyon ug uban pa nga gikinahanglan og tabang gikan sa probinsyal nga panggamhanan.
