DAVAO CITY – Gilauman nga mapitol na ug mamahimo na nga ma-inampingon ang mga nagabaligya ug mga makahilo nga kemikal o kaha mga gas nga makamugna ug sunog karon nga namugna na ang usa ka inter-agency task force aron mosubay ug masiguro ang kaluwasan sa publiko kalabot sa pagpamaligya ug delikado ingon man makahilo nga mga kemikal.
Kahinumduman nga nagpahigayon ug organizational meeting aron himoon nga penal kung si kinsa ang maglangkub sa nahisgutan nga grupo.
Una nang gipahayag ni Public Safety and Security Command Center (PSSCC) head Benito De Leon, gimugna ang task force subay sa executive order ni Mayor Sara Duterte-Carpio kaniadtong milabay nga bulan human ang insidente sa pagbusikad sa LPG refilling stations nga gikamatay sa pipila ka mga tawo.
Una ng gitambongan ang maong tigom sa mga nagkadaiyang buhatan sama sa City Health Office, Disaster Risk Reduction and Management Office, Central 911, ug daghanan pa diin gipasabot sa mga nahisgutan kung unsa ang mamahimong tahas sa gimugnang task force.
