DAVAO CITY – Mas gipahugtan pa karon sa Task Force Davao sa mga checkpoint nga gipahimutang sa Sirawan, Toril; Calinan ug sa Lasang, ning dakbayan human nga nasuta nga daghanan pa gihapon nga mga dautan nga mga element ang nagtinguha sa pagpasulod ug mga explosibo ug uban pa nga mga kontrabando.
Pinakaulahi mniini mao mang IED nga gituohang iyang sa mga NPA ug bout nga ipasulod sa dakbayan sa Davao, apan gumikan sa kahigpit sa seguridad gibiya-an na lamang pipila ka metros ang gilay-on gikan sa TFDavao checkpoint.
Sumala pa kang TFDavao Commander Col. Nolasco Mempin nga wala pa gayud nila maseguro kung kinsa ang mibilin sa bomba daplin sa dalan, apan pinasikad sa component sa IED ikatandi sab kini sa mga explosibo nga gama sa New People’s Army.
Samtang una nang gitataw ni capt. Damaso Inano, tigpamaba sa TFDavao nga posibling may tinguha gayud nga paulbohon ang IED labi na nga daghanan karon ug aktibidad ang dakbayan.
Gisulod sa bag ang bomba ug gibilin daplin sa karsada sa gilay-on nga 1.1 kilometros gikan sa military checkpoint.
Ang nahisgutan nga IED anaa sa kustodeya karon sa Ordnance Division ug K9 Team sa Task Force Davao.
