DAVAO CITY – Malipayong gipaambit ni Davao City Tourism Operations Office officer-in-charge na si Jennifer Romero nga nahimong malampuson ang mga face-to-face events nga gipahigayon dinhi sa Davao City ning nakalabayng bulan sa Marso.
Kahinumdumang dungan nga gipahigayon sa nakalabayng bulan atol sa ika-86 nga Araw ng Dabaw ang mga kalihukan sama sa MICECON 2023 kaniadtong Marso 1 hangtud 3, ang Ironman 70.3 triathlon kaniadtong Marso 24 hangtud 26, ug ang National Convention sa Prosecutors’ League of the Philippines nga gipahigayon kaniadtong Marso 27 hangtud 31, ning tuiga.
Usa sa namatikdang sipyat ang nakanselang 3D light drone show atol sa Araw ng Dabaw Music and Arts Festival kaniadtong Marso 4. Lakip sa gikasugyot ang lugar kon asa maka-cover ang mga sakop sa media nga ilang tambayongan sa Davao City Information Office.
Gikabutyag sa opisyal nga ila pang gina-improve ang pagpahigayon og mga dagkong events sa dakbayan apan nahimong mainiton sab ang pagdawat sa mga langyaw og lokal nga mga turista nga nagpakita sa tinuod niini nga kalampusan sa pagkab-ot sa kapon kulang nga dosyentos mil ka mga turista kaniadtong bulan sa Marso.
Sunod nga pangandaman og sayo ang muabutay nga Kadayawan Festival karong Agosto.
via || Bombo LJF
