DAVAO CITY – Nakatala karon ug 150,000 pesos inisyal nga kadaut ang Talaingod, Davao del Norte sa ilang agrikultura human ang nasinatiang grabe nga mga pagbaha sa nahisgutan nga lugar.
Una na sab nga gibutyag sa Provincial Disaster Risk Reduction and Management Division (PDRRMD), nga anaa sa 6,261 ka pamilya o 31,222 ka mga individual ang apektado sa nasinatian nga mga pagbaha diin naggikan ang mga nahisgutan sa 12 ka mga barangay sa mga lungsod nga sakop sa Santo Tomas, Talaingod, Carmen, ug Kapalong.
Nadala sab sa mga evacuation center ang 18 ka mga pamilya o 72 ka mga individual sa Talaingod ug Kapalong.
Gilayon sab dayon nga gitunolan ug hinabang ang mga apektadong residente nga mibakwit o temporaryo nga anaa sa evacuation center.
Apektado sab karon sa pagdahili sa yuta ang Sitio Salawao ug Sitio Bugis sa Talaingod ingon man Barangay Sampao sa Kapalong.
