Gibutyag sa Taiwan nga anaa sa kapin 70 ka mga military aircraft sa China ang misulod sa ilahang teritoryo sulod lamang sa 24 ka oras.
Nahitabo ang maong insidente pipila ka adlaw human misulod ang barko sa United Kingdom sa Taiwan Strait.
Padayon nga nagpalig-on ang China sa ilang deployment sa mga fighter jets ug mga barkong pandagat duol sa Taiwan.
Giinsistir sab sa China nga kabahin matud pa gihapon sa ilang teritoryo ang maong isla, apan kini giangkon nga independyente sa Taiwan.
Mas nahimong agresibo pa gyud ang China gumikan sa maayong relasyon tali sa Taiwan ug Estados Unidos.
Kahinumduman nga niadtong Hunyo 18, misulod sa Taiwan Strait ang British Royal Navy patrol vessel nga HMS Spey, nga gikondena gilayon sa China ug giingong nagpasamot lamang sa kagubot sa rehiyon.
