Taiwan, giaresto ang mga crew sa Chinese cargo ship gumikan sa pagpangdaot sa sea cables

Giaresto sa Taiwanese Coast Guard ang mga Chinese crew sa usa ka cargo ship gumikan sumala pa sa pagputol sa mga internet cables sa dagat.

Ang nahisgutan nga barko mao sumala pa ang nagpaluyo sa pagputol sa kable nga nagkonekta sa Taiwan ug Penghu Island.

Gipahayag sa Taiwan Coast Guard, nga ang nahisgutan nga cargo vessel nga adunay marka nga “flag of convenience” ang nagbatun ug walo ka mga Chinese crews.

Ang “Hong Tai” Cargo vessel ang nakarehistro sa West African nation nga Togo nga gipondohan sa China.

Migawas sa imbestigasyon sa Taiwan Coast Guard, nga pipila ka oras human nag-angkla ang barko, nawala na ang ilahang internet connections.