DAVAO CITY – Nalisdan ang kapolisan sa dakbayan sa Tagum sa ilang imbestigasyon sa pagpanglabay ug Granada sa usa ka compound diin nahimutang ang pinoy-anan sa usa ka Fredilyn Abrigos Cuba, sa Purok Dahlia, Visayan Village, Tagum City.
Una nang nasayran nga ang tag-iya sa balay mao ang anak sa CEO sa investment firm Project Limited Company (PLC).
Dugang sa Tagum City Police nga wala’y nakakita kung kinsa ang milabay sa Granada apan gitan-aw nila ang motibo nga personal nga bangi gumikan sa investment scheme.
Nagtanyag ang PLC ug time five nga return of investment sulod sa usa ka bulan hangtud sa kwarenta y singko ka adlaw.
Gi-awhag sa Tagum Police ang mga investors nga dunay reklamo sa investment Scheme nga modangop kanila aron nga kahimo-an ug aksyon.
Suta-on sa kapolisan kung unsa ang kalambigitan sa anak sa investment scheme ug kung makita nga negatibo mangita na sab ang Tagum Police ug lain nga sundan nga anggulo.
