DAVAO CITY – Nagpahigayon ang Tagum City Government ug decontamination sa mga kalsada kini aron nga mapugngan ang pagkatag sa Covid-19 s mga kalsada, parke ug mga dagkong establisyemento sa lungsod.
Kahinumduman nga gipangunahan ang operation decontamination sa City Disaster Risk and Reduction Management Office diin ila kining inapahigayon matag curfew hours aron nga masiguro nga walay tawo nga mogawas-gawas sa kalsada.
Una ng nanawagan ang mga residente sa lugar nga ipahigayon ang nahisgutan nga lakang sa tanan nga mga barangay nga sakop sa siyudad ilabi na karon nga padayon karon ang pagsaka sa kaso sa Covid-19 sa lugar.
Kahinumduman nga una ng gibutyag ni Tagum City Mayor Allan Rellon nga lampas na sa usa ka libo ang kaso sa Covid-19 sa lungsod hinungdan nga nanawagan kini sa katawhan nga kinahanglan responsable kini sa pagtuman sa mga health protocols aron masiguro nga malikayan ang pagtakod-takud sa kagaw.
