DAVAO CITY – Gibutyag sa usa ka opisyal sa Tagum City nga walay ipatuman nga lockdown sa siyudad bisan nga nakatala na sila ug usa ka kaso sa delta variant ug dili sab kini moresulta sa Enhanced Community Quarantine (ECQ) status.
Kini ang nahimong tubag ni City Health Officer Dr. Arnel Florendo kalabot sa kung unsa ang mamahimong desisyon sa siyudad aron lamang makontrola ang sitwasyon sa siyudad.
Gitataw ni Florendo nga kinahanglan pa gihapon nga mag-igmat bisan pa man nga fully vaccinated na batok covid-19.
Una na sab nga gibutyag sa nahisgutan nga gawas sa Delta Variant, nakatala sab karon ang Tagum City ug 12 ka kaso sa Alpha Variant ug 22 Cases sa Beta Variant.
Samtang gikanayon sab sa Department of Health (DOH) nga aduna na sab sumala pay usa ka kaso sa delta variant ang dakbayan sa Davao.
