DAVAO CITY – Gipangandaman na sa dakbayan sa Tagum City Chamber Chorale ang pagsalmot sa World Choir Games sa South Africa sa tuig 2019.
Kini human nga nakadaug ug Gold Diploma ang grupo atol sa pagsalmot niini sa Sing and Pray International Chorale Competition sa Kobe, Japan.
Bisan kung bag-o lamang sa international competition, wala magpaulahi ang Tagum City Chamber Chorale hinungdan nga nadag-an niini ang level 3 Gold Diploma.
Nasayran gikan sa Choir Master Mario Sabillo, dili sayon ang ilang naagi-an sa training labi na nga napagula ang ilang visa duha ka oras una ang ilang biyahe padulong sa Japan. Upat ka mga kanta ang gipalanog sa Tagum City Chamber Chorale. Kalakip niini ang nag-ulohan ug ‘Gapas’, ‘Elay Gandangan’, O Mas Sale, ug ‘Talkie Gong’.
Sumala pa kang Edna Kilaryo, head sa City Human Resource Office nga pagpakita sab kini sa kahawod sa mga aga-Tagum sa natad sa musika, labi na nga ginganlan ang ilang dakbayan isip music capital sa nasod. Nadag-an sa Ateneo de Davao University Choral ang Silver Diploma sa competition.
