Wala na natingala pa ang mga tagtungod sa mga minatay nga gilubong sa Panacan Public Cemetery gumikan matag tuig ng masinatian ang pagbaha, gumikan sumala pa sa sunod-sunod nga pag bundak sa ulan, dinhi sa dakbayan sa Davao.
Sumala pa usab sa mga tagtungod sa maong mga nagkadaiyang lubnganan diin nalubog sa tubig baha, nga dugay na matud pa kana nilang mulo ngadto sa ilahang barangay, gumikan dako na matud pang kahasol ang nahatag niini.
Usa matud pa sa ilahang ginatumbok nga mga hinungdan mao ang wala matud pay gawsanan ang tubig.
Sa karun, laraw matud pa sa mga residente nga pasuyupan na lamang ang maong tubig aron nga maadtuan matud pa ang mga lubnganan sa mga tagtungod.
Samtang sa pikas bahin, muabot sa kinatibuk-ang 13,136 ka mga security personnel ang ipakatag sa Public Safety and Security Office (PSSO) ngadto sa 38 ka mga sementeryo ning syudad atol sa pagsaulog sa kalag-kalag gikan Oktobre 31 hangtod Nobyembre 3, ning tuig kasamtangan.
Sumala pa ni RCol. Oscar Partuza, Operations and Coordination Officer sa PSSO, nga gilangkuban ang maong ihap sa mga personahe sa DCPO, Task Force Davao, Health Responders, ug uban pa nga maoy magbantay sa seguridad ug kaluwasan sa tanang moduaw.
Ning kasamtangan, nangandam na ang buhatan alang sa soft deployment karong Oktobre 30 dungan sa pag-awhag sa publiko sa pagsunod sa mga guidelines ug protocols aron malikayan ang bisan unsang kakulian o insidente.
