DAVAO CITY – Nakarekober ug tag-as nga mga armas ang mga sakop sa 25th Infantry Battalion ug 67th IB atol sa ilang gilusad nga joint operation sa bisinidad sa Palo 20, Barangay Rizal, Manay Davao Oriental.
Matud pa kang Capt. Allan Apara, civil-military operations (CMO) officer 25th IB, pipila sa mga narekober ang gilangkuban sa tulo ka mga AK-47 rifles nga gipahibalo sumala pa sa usa ka rebel returnees nga maoy milubong sa mga armas atol sa ilang milabay nga operasyon sa Manay.
Matud pa kang Lt. Col. Oscar B. Balignasay Jr, commander sa 25th IB, padayon ang Armed Forces of the Philippines sa ilang mandato nga dili ipailalom ang mga komunidad sa impluwensiya ug pagkontrola sa New People’s Army.
Samtang mukbata sumala pa sa 700 ka mga indibidwal gikan sa 10 ka mga barangay sa Monkayo ang mitahan sa 25th IB.
Gitataw ni Balignasay nga miyembro ang mga nahisgutan sa underground supporters sa NPA. Sa nahisgutan nga ihap, 418 na ang na-interview sa mga element sa 25th IB ug Monkayo police.
Samtang laing 804 ang mitahan sa mga kasundalohan sa laing 10 ka mga barangay sa Monkayo.
Nasayran nga ang Barangay Casoon aduna pinakataas nga ihap sa mga surrenderees nga anaa sa 263.
