DAVAO CITY – Gipasalig sa opisyal sa Presidential Commission On the Urban Poor (PCUP) nga tabangan niini ang mga na-demolish nga mga residente sa Barangay 26-C, Quezon-Boulevard, ning dakbayan sa Davao.
Sumala pa kang PCUP Commisioner, Norman Baluro bisan kung gi-agi sa legal nga proseso ang demolisyon maningkamot gihapon ang PCUP sa pag-ila kinsa ang mga pamilya nga nangawad-an ug pinoy-anan.
Gitataw ni Baluro nga magsugod pa lamang sila sa pag-ila sa mga apektado nga mga residente gumikan kay wala pa kini mapailalum sa census tagging gumikan sa kaisog sa mga residente sa pagtuo nga maila gayud ang dapit nga ilang gipoy-an.
Giklaro sab ni Ivan Cortes, head sa City Planning and Development Office nga mamahimo pa gihapon nga makakuha ug relocation sa dakbayan ang mga pamikya pinaagi sa Social Housing Finance Corporation.
Sumala kang Cortes nga ang mga na-demolis kinahanglan nga momugna ug Association ang mga na-demolish aron nga mahatagan ug socialized housing program ug ma-accredit sa Socialized Housing and Home site Division.
Sumala pa kang Cortes wala dayon nahatagan ug relocation ang mga biktima gumikan kay wala sila magpa-census ug magpa-tagging.
