DAVAO CITY – Nakab-ot sa Davao City ang pinakataas nga vaccination rate sa tibuok Davao Region nga 101% kon 1.3 milyones nga mga bakunadong indibibidwal.
Base sa datos nga gipagawas sa DOH Davao niadtong Disyembre 5, milapas sa 1,327,323 gawas sa 1,343,974 ka mga expected doses ang nahatag nga mga bakuna.
Ikaduha niini ang Davao Oriental nga dunay 89.5% kon kapin 421,000 ka mga indibidwal; sunod ang Davao del Norte nga anaa sa 85.1% kon kapin 636,000 ka mga bakunado.
Nagsunod sa mga ihap sa mga nabakunahan mao ang Davao de Oro, Davao Occidental ug Davao del Sur. Sa kinatibuk-an, nakabaton ang Davao Region ug 88% sa kinatubuk-ang populasyon sa Davao Region gawas sa kapin 3.8 millon total target population.
Gikabutyag sab sa ahensya nga miubos sab ang ihap sa mga nataptan sa maong kagaw diri sa rehiyon sa nakalabayng simana nga anaa lamang sa 175 ka mga bag-ong kaso.
Mas ubos kini ug 37.9% nga natala niadtong Nobyembre 21 hangtud 27, ning tuiga. Hingpit gihapong nanawagan ang DOH nga kanunayng magsunod sa minimum public health standards, ug labaw sa tanan, magpabakuna kontra COVID19.
via || Bombo LJ Florendo
