DAVAO CITY – Gikatala karon sa dakbayan sa Dabaw ang 10.1% nga positivity rate sa COVID cases. Mas taas sumala pa kini sa 5% nga acceptable rate sa WHO.
Sa kasamtangan moabot na sa 234 ang active cases sa COVID 19 sa dakbayan sa Dabaw. Sumala pa ni Dr. Margie Culas, OIC sa City Health Office nga kagahapong adlawa lamang 48 ka kaso ang gikatala gikan sa 449 nga gipa ilalom sa test. Hinuon sumala ni Culas nga kadaghanan niini ang mga asymptomatic ug mild cases lamang.
Gitino usab sa CHO head nga dili gihapon kasiguruhan nga dili mataptan ug COVID 19 ang mga nabakunahan na, hinuon mild symptoms lamang o kaha walay mga simtomas nga bation ang mga nataptan niini.
Dugang pa ni Culas nga pipila sa posibling hinungdan sa pagsaka sa kaso ang nakalabay nga mga kalihukan sa syudad sama sa Araw ng Dabaw celebration ug ang pag obserba sa semana santa diin kadaghanan sa mga tawo niadto sa mga resorts.
