DAVAO CITY – Gikatala sa COMELEC Davao ang pagtaas sa ihap sa mga bag-ong botante alang sa 2023 Barangay and Sangguniang Kabataan Elections.
Sumala pa sa tigpamaba sa buhatan nga si Atty. Gay Enumerables, namatikdan ang pagdungag sa mga nagparehistrong botante nga miabot sa 61,714 as of March 6, nga gidungag sa natalang 4,411,035 registered voters kaniadtong Agosto 2022.
Apan natala sab ang ubos nga ihap sa mga rehistradong botante sa Sangguniang Kabataan nga nasa 11,243.
Gikanayon sa opisyal, nipatigbabaw gihapon ang suliran sa pagparehistro sa pipila ka mga botante sa deadline sa voter’s registration.
Apan gipaningkamutan hinuon sa COMELEC nga ilang maabot ang mga tulunghaan, barangay ug komumidad aron magpahigayon og registration.
Gi-aghat sab sa COMELEC ang mga botante nga batasanon ang maunungong, maalamon ug responsableng pagboto.
via || Bombo LJF
