Misibat padulong sa Russia si Syrian President Bashar al-Assad ug ang pamilya niini human nga nanalaw kini ug misibat, sa dihang nailog na sa mga rebeldeng grupo ang panggamhanan niini.
Nasayran nga ang Russia usa ka hugot nga kaalyado sa Syria diin gihatagan niini ug asylum si Assad.
Gihimo niini ang pagsibat human nga gisulong sa Hay’at Tahrir al-Sham (HTS) ang nasampit nga gobyerno niini.
Gikanayon sa lider sa grupo nga si Abu Mohammed al-Jawlani, nga ilahang gitapos na ang pagdumala ni Assad.
Si Jawlani ang giisip sa US nga global terrorist nga adunay reward nga $10-M.
Gumikan sa pagkontra niini sa pagdumala ni Assad, gidawat sa mga Syrian si Jawlani isip usa ka maayung alternatibo alang kang Assad nga nalambigit sa mga nagkadaiyang kontrobersiya.
