DAVAO CITY – Gipahigayon na kagahapon, Marso 2, ning tuig ang switch on ceremony sa Underground Cabling project sa San Pedro Street, Davao City.
Kini ang timailhan sa pagka kompleto sa second phase sa maong proyekto ug isip parte usab sa mga proyekto nga giandam sa lokal na panggamhanan ug uban pang mga telecommunications partners ug government agencies atol sa ika-86th Araw ng Dabaw.
Tumong sa maong underground cabling ang malikayan ang gamay nga insidente sa emergency power interruptions gumikan nga ang mga electric wire anaa na sa ilawom sa yuta.
Kahinomdoman usab nga una nang gisugdan sa Davao Light ang underground cabling sa San Pedro kaniadtong Marso, tuig 2021 ug nakompleto ang pagpagtanggal sa tanang linya lakip ang 50 ka mga poste gikan City Hall Drive hangtod corner Quirino Avenue, Davao City kaniadtong Pebrero 19, ning kasamtangang tuig.
