Nakatabang sumala pa sa pagsaka sa tourist arrivals ang swimsuit competition sa Miss Universe Philippines 2026 nga gipahigayon sa Boracay, sumala sa Malay-Boracay Tourism Office.
Matud ni Kathrine Licerio, daghang lokal ug foreign tourists ang midagsa aron motan-aw sa pagrampa sa mga kandidata sa world-class nga baybayon sa isla.
Tungod niini, misaka ang occupancy rate sa mga hotel ug resort atol sa maong event.
Gipahayag usab nga dako ang natabang sa kompetisyon sa promosyon sa Boracay isip top tourist destination, ilabi na sa exposure niini sa social media ug international audience.
Gipakita sa 51 ka mga kandidata ang ilahang stage presence ug confidence sa swimsuit segment nga gihimo sa Aqua Boracay.
Dugang pa, ang pag-host sa ingon niini nga mga kalihokan nakahatag og dugang kita sa mga lokal nga negosyo sama sa hotel, restaurant, ug transport services.
Sa wala pa ang swimsuit competition, nagpahigayon usab ang mga kandidata og coastal clean-up sa baybayon sa Boracay niadtong Marso 20 isip kabahin sa ilahang community service.
Sa datos, niabot sa 97,597 ang total tourist arrivals sa Boracay sa unang duha ka semana sa Marso anaa sa 79,946 domestic tourists, 1,076 overseas Filipinos, ug 16,575 foreign tourists.
