DAVAO CITY – Landig sa balay tambalanan sa Davao Regional Medical Center ang usa ka myembro sa SWAT sa Davao del Norte Provincial Police human kini nasamdan atol sa gikasang operasyon aron dakpon ang drug personality nga si Rammie Jhon Caylan sa Barangay Apokon, Tagum City, Davao del Norte.
Niuban matud pa sa maong operasyon si Police Staff Sergeant Ryan Quimba sa dihang paghatud sa iyang search warrant, gipabuthan siya sa suspek ug nakahiagum og samad pinusilan.
Samtang dead on the spot si Caylan sa mga sakop sa SWAT sa maong operasyon.
Narekober gikan sa crime scene ang kalibre punto kwarentay singko nga pistola, lima ka buhing bala sa pusil ug mga basyo niini nga gituohang gigamit pagpamusil sa suspek.
Sa susamang operasyon sab nadakpan ang lain pang walo ka mga personalidad nga naghupot ug mga ilegal nga droga ug armas.
Anaa sa luwas nga kahimtang ang maong pulis.
via || Bombo LJ Florendo
