Patay ang usa sa mga sakay sa usa ka SUV nga nabanggaan sa dakong truck kagahapon sa hapon sa Lasang ning dakbayan sa Davao. Subay sa report sa kapulisan, giila ang biktima nga si Edwin Rondina, 63-anyos nga taga Laak, Davao de Oro.
Samtang angol ang mga kaubang sakay niini sa usa ka Mitsubishi Mirage nga sila Janalyn Rondina, 35-anyos ug usa ka batang lalaki nga 5-anyos,ug lakip ang driver nga si Jovan Apipoyo nga padayon karon nga gi-atiman sa ospital.
Sumala pa sa inisyal nga imbestigasyon sa kapulisan, nabanggaan sa Trailer truck ang Kotse nga gisundan niadtong tungura hinungdan nga nga nadaro kini sa center island.Gumikan sa kakusog sa pagkabangga,daw lata nga nalata ang ang maong sakyanan nga nadasok sa center island.
Sa pagkakaron anaa na sa kostudiya sa kapulisan ang drayber sa Truck. Samtang sa laing bahin, angol usab ang Unom ka mga pasahero sa usa ka SUV ug laing sakyanan nga nagkabangga kagahapon sa buntag.
Subay sa inisyal nga impormasyon sa kapulisan, nahitabo ang panagbangga duol sa Pagan Elementary School sa Brgy. Tamugan, Marilog District ning dakbayan sa Davao. Nakaangkon usab og damyos ang duha ka mga sakyanan `ilabi na ang usa ka SUV nga halos matanggal na ang ligid sa wala nga bahin sa atubangan sa nasampit nga sakynan.
