DAVAO CITY – Gi-lift na ni Mayor Sebastian Duterte ang suspension sa face to face classes gikan kinder hangtud grade 12 levels sa tanang pampublikong tulunghaan sa Davao City kagahapon, Disyembre 10.
Subay sa gipakanaog nga Proclamation No. 10 Series of 2023, ang pag-lift sa naunang Proclamation Number 9 ning nilabayng simana ang resulta human sa pagpanubay ug pag-inspect sa mga tulunghaan nga nadanyos human sa nahitabong magnitude 7.3 nga linog niadtong Disyembre 2.
Lauman sugod karong adlawa ang pagbalik sa klase sa mga pampublikong tulunghaan sa tibuok dakbayan human sa maong anunsyo.
Kahinumduman nga niadtong milabayng simana, suspendido ang in-person classes gikan Kindergarten hangtod Grade 12, lakip na ang Alternative Learning System (ALS), sa tanang public elementary ug secondary schools sa Davao City aron paghatag og dalan sa nagpadayon nga rapid damage assessment sa mga imprastraktura ug pasilidad human ang kusog nga linog ug sunod-sunod aftershocks.
