DAVAO CITY – Gipabalik sa opisina sa Regional Personnel and Accounting Section (RPHAS) sa Camp Catitipan, Buhangin ning dakbayan ang 35 ka mga opisyal ug personnel sa Davao City Police Office (DCPO) kagahapon, Mayo 27, isip kabahin sa nagpadayong imbestigasyon.
Naghuot ang usa ka sook nga gipalibutan sa daghanang mga gipahawa nga mga personahe, lakip ang gi-relieve nga city police director nga si Colonel Richard Bad-ang.
Una nang gipaklaro sa Police Regional Office 11 nga procedural ug base sa rekomendasyon sa Regional Internal Affairs Service (RIAS) ang administratibong pag-relieve niining 35 ka mga opisyal ug personnel sa DCPO.
Ang maong lakang nakita isip kabahin sa mas lapad nga mga paningkamot sa pagsulbad sa mga isyu sa sayop nga binuhatan ug pagsiguro sa hustong proseso sa pag-imbestigar sa mga alegasyon batok sa mga pulis.
Si Brigadier General Aligre Martinez, PNP-Davao director, namahayag nga ang maong lakang subay sa procedural due process nga gitumong sa pagsiguro sa transparency ug accountability sa mga public officers.
Bisan pa, gikondena ni Davao Mayor Sebastian Duterte ang pagrelyebo sa mga opisyal, nga nagpahayag nga sukwahi sa diwa sa pagtinabangay ug pagsalig sa usag usa nga hinungdanon alang sa epektibo nga pagdumala ug pagpatuman sa balaod ang mga bag-o nga aksyon nga gihimo batok kanila.
Gikumpleto sa mga na-relieve nga pulis ug personnel sa ilang counter-affidavits nga gikatakdang isumiter kini sa Regional Internal Affairs Services sa kapulisan.
