DAVAO CITY – Gipahayag sa Presidential Anti-Organized Crime Commission (PAOCC) nga kabahin sa criminal syndicate si suspended Bamban Mayor Alice Guo.
Ang nahisgutang sindikato mao ang responsable sa mga criminal operations nga nahitabo sa duha ka gironda nga Philippine offshore gaming operator (POGO) hubs: ang Zun Yuan Technology Inc. sa Bamban ug Lucky South 99 sa Porac, Pampanga.
Gipahayag ni PAOCC spokesman Winston John Casio, kini ang migawas sa gihimo nilang imbestigasyon.
Apan bisan paman niini, dili pa klaro kung unsa ang partikular nga katungdanan ni Guo sa nahisgutang criminal organizations.
Gipahayag pa niini nga nagpadayon pa gihapon ang gihimong imbestigasyon sa girondang POGO hub ug padayong gipakisayran ang koneksyon sa mga nahisgutan.
