Patay ang gikonsidera nga ika-lima sa listahan sa pagpayuhot ug iligal nga droga kon shabu atol sa gilusad nga drug buybust operation kagahapon sa hapon.
Subay sa report sa kapulisan, pasado alas 4:00 ang takna sa hapon, ang mga operatiba sa Sasa PNP naglusad ug drug buybust operation sa Minterbo sa Brgy. Ilang ning dakbayan sa Davao.
Giila ang suspek nga si Alias “Boss” hamtong ng panuigon nga residente sa nasampit nga lugar.
Sumala pa sa report sa kapulisan, napalitan ang suspek ug pakete sa iligal nga droga, apan sa dihang dakpon kini sa mga otoridad, nikalit sumala pa ug dagan padulong sa bakhawan ug didto nagpabuto sa iyahang armas apan na-corner ang nahisgutan samtang nakigpinusilay kini nga maoy hinungdan nga napugos usab ang mga otoridad sa pagbalos sa pagpusil nga maoy hinungdan sa iyahang kamatayon.
Gidala pa sa ospital ang suspek apan gideklara kini sa doctor nga dead on arrival.
Narekober sa kapulisan ang unom ka mga nagkadaiyang gidak-on sa iligal nga droga kon shabu nga ginasubay pa karon ang street value niini.
Sa crime scene narekober sab ang mga basyo sa bala nga iya sumala pa sa.45 nga pistola nga gipanag-iyahan umala pa sa susupek ug bala sa .9mm pistol nga gikan sa mga operatiba.
