DAVAO CITY- Sikop pinaagi sa gahum sa warrant of arrest ang usa ka lalaki nga dugay nang gipangita sa balaud gumikan sa kasong pagpanglugos.
Giila ang dinakpan nga si Alyas Badi, 32 anyos, minyo, walay trabaho ug residente sa Purok Lanzones, Lubo, Brgy. Zone 2, Sta. Cruz probinsya sa Davao del Sur.
Usa kini ka wanted person nga adunay nag-ung-ong nga duha ka ihap sa kasong pagpanglugos ug giila sab kini nga Top 2 Most Wanted Person Municipal Level.
Nahimong malampuson ug malinawon ang pagtunol sa mga persohane sa Sta. Cruz Municipal Police Station sa Warrant of Arrest ngadto sa suspek kagahapong adlawa.
Walay girekomenda nga piyansa alang sa duha ka ihap sa kasong rape niini samtang P200,000 nga pyansa alang sa sexual assault.
Ang suspetsado nasikop sa Purok.Lanzones, Lubo, Brgy. Zone-2, Sta. Cruz, Davao del Sur og anaa na karon sa kustodiya sa Sta. Cruz PNP.
