Davao City – Patay ang usa ka ama-ama human nga nipakita sumala pa og pagsukol ngadto sa kapulisan atol sa hot pursuit operation sa Brgy. 76-A, Bucana, ning dakbayan sa Davao pasado alas nuwebe kagabie.
Subay sa report sa kapulisan nga gilusad ang maong operasyon human nireklamo ang usa ka inahan sa biktima nga si Melody, 34 anyos, minyo, ngadto na sa mga personahe sa San Pedro Police station, human gi-lugos sumala pa ang anak niini nga 12 anyos sa iyang ama-ama nga giilang si Dennis, 37 anyos, usa ka tricycle driver ug residente sa susumang dapit. Sumala pa sa inahan nga pasado alas-otso sa buntag , samtang natulog ang biktima sa ilang panimalay, gisulod kini sa suspek ug gi-moletsya. Saysay pa sa inahan sa biktima nga gihimas ang dughan sa bata ug gitangtang ang pajama ug underwear niini ug gipanastamasan ang biktima.
Gilayon nga girespondehan sa mga kapulisan ang report sa inahan ug nagpahigayon og hot pursuit operation batok kang Dennis kinsa na-siplatan pa sa sulod sa ilang panimalay ug gilayon gisikop kini. Sa higayon nga pagdakop kang Dennis, nisulay sumala pa og sukol ang suspek gamit ang iyang .38 nga rebolber gikan sa iyang bag ug giti-on kini ngadto sa pulis. Apan abtik usab kini nga napusilan sa ubang pulis rason nga nakahiagom kini og samad-pinusilan.
Gisulayan pa og dala ang suspek ngadto sa Southern Philippines Medical Center (SPMC) apan gideklara na kining dead on arrival sa doktor. Nakolekta gikan sa crime scene ang usa ka bala nga gigamit gikan sa pusil nga gigamit sa suspek ug uban pa. Ning kasamtangan gidala ang biktima ngadto sa ospital aron mupailawom og medical nga ekasaminasyon.
