Nasikop na sa mga sakop sa Maco Municipal Police Station ang usa ka 46-anyos nga mag-uuma nga dugay nang gitinguha nga madakpan tungod sa tulo ka kaso sa pagpanglugos. Gisilbi ang mando sa pagdakop base sa warrant of arrest nga gi-isyu pa niadtong Mayo 19, 2000, nga gipirmahan ni Judge Eugenio R. Valles sa Regional Trial Court (RTC) Branch 3 sa Nabunturan, Davao de Oro.
Kabahin niini, gipasakaan og tulo ka kaso sa rape ang maong suspetsado ilawom sa mga case numbers 51, 52, ug 53. Tungod sa kabug-at sa kaso, wala magrekomendar ang korte og piyansa alang kaniya. Human sa halos duha ka dekada ug upat ka tuig nga pagpangita, nakit-an na gyud ang dugay na nga pagpanago sa akusado.
Gibutyag sa Maco PNP nga anaa na karon sa ilang kustodiya ang suspetsado. Samtang gipaniguro sa kapulisan nga ilang sundon ang legal nga proseso ug tukmang pagdisposisyon sa kaso aron masiguro ang hustisya alang sa biktima ug angkaluwasan sa komunidad.
