DAVAO CITY – Patay ang usa ka drug suspect atol sa drug buy-bust operation sa kapolisan sa Barangay 23-C, Isla Verde kagahapon sa buntag.
Naila ang suspek nga usa ka Carlo Egot, nga napalitan ug usa ka sachet sa gituohan nga shabu nga nagkantidad ug usa ka libo ka pesos.
Sumala sa kapolisan nga nakamatikod si Egot nga police ang ka-transaksyon niini sa Purok 3, hinongdan nga mibunot kini ug armas apan naunhan gihapon sa kapolisan hinongdan nga naigo sa lawas ug ulo.
Gisulayan pa sa pagdala sa Southern Philippines Medical Center (SPMC) ang suspek, apan gi-deklara nga patay na.
Nakompiska sab gikan sa suspek ang usa ka sachet sa gituohan nga shabu ug usa ka armscore nga armas ug .38 revolver.
Sa dihang girekisa ang mga bulsa ni Egot, nakuha ang lain pang upat ka mga sachet sa gituohan nga shabu.
Gibana-bana nga mokabat ngadto sa traynta y singko mil ka pesos ang mga nakompiska nga mga illegal nga druga.
Sumala pa kang Police Chief Inspector Michael Uyanguren, Station Commander sa Sta. Ana Police nga nahilambigit sab sa daghanan nga mga panghitabong kawat si Egot.
