DAVAO CITY – Hingpit nang gipasakahan ug kasong Arson sa Davao City Police Office (DCPO) ang mga miyembro sa New People’s Army (NPA) nga suspek sa nahitabong pagpanunog sa napulo ka mga heavy equipment ning dakbayan sa Davao partikular na sa Brgy. Fatima Pacquibato, Dalagdag sa Calinan, Brgy. Callawa, ug Buhangin District ning dakbayan.
Kahinumduman nga una na usab nga gipasakahan sa susamang kaso sa milabay nga adlaw ang grupo usab sa mga rebeldeng New People’s Army (NPA) nga nanunog usab ug mga heavy equipment sa may Talaingod sa Davao del Norte, nga sila Laro Manlologpis alyas Wacky; Rommel Tausan; Enting Tumbasay; Lugib Tausan alyas Bagani; Enting Mansumiat alyas Steb; Dalagis Balite aylas Carlos; ug Joe Almendras alyas Jose.
Una na usab nga gibutyag ni Police Senior Inspector Melgrace Driz, tigpamaba sa Police Regional Office (PRO) 11, nga klaro sumala pa nga nangayo ug revolutionary tax ang nahisgutan apan tungod kay wala kini nahatagan sa ilang gikinahanglan rason nga nihimo na usab kini sa pagpanghasi pinaagi sa pagpanunog.
