DAVAO CITY – Dakpan sa mga kapulisan sa San Isidro Municipal Police Station ang usa 34 anyos nga lalaki nga dugay ng gipangita sa otoridad gumikan sa kasong pagpanglugos nga iyang gi-atubang.
Una ng naila ang dinakpan nga si alyas Junnie , motorcycle driver, kanhi residente sa Purok C Mabuhay, Barangay Dacudao, San Isidro, Davao del Norte ug kasamtangang nanimuyo sa Purok 2, Barangay San Vicente, Panabo City, Davao del Norte.
Nasikop ang nahisgutan pinasikad sa warrant of arrest nga gipagula ni Hon. Ma. Susana T Baua tungod kasong tulo ka ihap sa kasong Statutory RAPE (3 counts).
Gikanayong wala sumala pay piyansa nga gitugot ang korte alang sa temporaryong kagawasan niini.
Gilusad ang operasyon sa mga personahe sa San Isidro Municipal Police Station subay na sab sa mas gipalig-on nga Simultaneous Anti-Criminality Law Enforcement Operation (SACLEO).
Gikustodiya sa nahisgutan nga balay tambalanan ang dinakpan alang sa tukma nga disposisyon.
Gitambagan sab sa kapulisan ang publiko nga padayon nga makiglambigit sa kapulisan ug kung adunay masayran nga mga indibidwal nga nalambigit sa krimen, mas maayo sumala pa nga ipahibalo gilayon kini sa kapulisan.
