Gikanayon sa suspek sa krimen, ug iyahang giangkon nga lango kini sa ilimnong makahubog ug wala sumala pa kini nakahinumdom sa iyahang gibuhat atol sa maong panghitabo.
Kahinumduman nga patay na nga nakaplagan sulod sa ilahang giabangan nga balay ang magtiayon sa Barangay Villarica, Babak District, Samal, Davao del Norte, sa sayong kabuntagon.
Mag-atubang og duha ka ihap nga kasong pagpatay ang usa ka myembro sa Task Force Samal nga suspetsado sa pagpatay sa magti-ayon sa Island Garden City Of Samal niadtong Byernes.
Sumala pa sa kapulisan nga ginalantaw pa usab ang dugang kaso nga atubangon sa suspek kabahin sa babaeng biktima kung gihilabtan ba kini sa suspek una gipatay.
Giila sa kapulisan ang mga biktima nga sila Jonathan Prado, usa ka security guard ug kanhi pastor, ug ang iyang asawa nga si Bhryliant Pearl.
Nakit-an ang ilang mga lawas sa mga kauban nila sa trabaho pasado ala- 1 sa kaadlawon.
Ang ilang 2-anyos nga anak nakaplagan nga buhi ug walay kadaut sa lugar sa krimen.
Sa inisyal nga imbestigasyon, nasayran nga ang suspek nga si alias Bebot, nga miyembro sa Task Force Samal, nanuktok sa ilang pultahan ug gipasulod sa magtiayon tungod kay ila kini kaila.
Apan pagkasulod, giingong gihapak ug gidunggab sa suspek ang magtiayon hangtod nakabsan kini sa kinabuhi.Gilayon nga naglusadang kapulisan ug hot pursuit operation ug dali ra nga nadakpan ang suspek.
Sa tabang usab sa Mayor sa Samal nga adunay reward money nga gitanyag nga nagkantidad og P100,000.
Tulo ka samad ang naangkon sa lalaking biktima, samtang samdan sab sa kamot ang babayeng biktima.
Sa pagkakaron, gihulat pa ang resulta sa swab test sa Scene of the Crime Operatives (SOCO) aron mapamatud-an kung tinuod bang gilugos usab sa suspetsado ang babayeng biktima.
Sa karon ang suspek ang anaa na sa kostudiya sa kapulisan.
