Supply sa kuryente sa Mindanao bastante pa – DOE

DAVAO CITY – Gumikan sa 800 megawatts (MW) nga excess capacity, gipasalig sa Department of Energy (DOE) nga igo ang supply sa kuryente sa Mindanao luyo sa nagkataas nga demand sa mild El Niño.

Sumala pa kang Energy Assistant Secretary Redentor Delola, wala sila naglaom ug bisan unsa man nga problema luyo sa nasinatian nga El Niño o pagsulod sa summer months gumikan kay bastante sumala pa ang reserba sa Mindanao.

Gitataw sab sa nahisgutan nga mas daghanang power plant ang itukod sa Mindanao karong tuiga ug laoman sumala pa nga matapos kini ayha ang 2021.

Gikanayong ang demand sa kuryente karong tuiga ang anaa sa 2,300 MW samtang supply anaa sa 3,000 MW.