DAVAO CITY – Aprobado na sa konseho ning dakbyan sa Davao ang gikasugyot nga 1.2 bilyones ka pesos nga supplemental budget alang karong tuiga.
Sumala pa kang Davao City Vice Mayor Bernard Al-ag nakalabang ang supplemental budget atol sa special session nila niadtong Lunes.
Nasayran gikan kang Al-ag nga ang pundo niini naggikan sa wala magamit nga pundo sa lokal nga kagamhanan sa nakalabay nga tulo ka tuig.
Ang supplemental budget mao ang gamiton alang sa mga proyekto sa City Mayors Office ug City Health Office.
Pinasikad sa resolution nga giduso ni Konsehal Danny Dayanghirang, Chairman sa Committee On Finance Ways and Means, otsenta porsiento sa supplemental budget mopadulong sa general fund, samtang ang uban nga bahin sa budget mopadulong sa sweldo ug benepesyo sa mga opesyales ug empleyado sa kagamhanang dakbayan.
