DAVAO CITY – Suportado sa Bagong Alyansang Makabayan (Bayan) ang baruganan ni Pangulong Rodrigo Duterte nga pagpanghingusog sa pagpanag-iya niini sa mga isla sa West Philippine Sea.
Kahinumduman nga gimando dili pa lamang dugay ni Pangulong Duterte ngadto sa kasundalohan nga tukoran ug barrack ug magpakayab ug bandela sa napulo ka mga isla.
Kini isip pagpakita sa nasod China ug sa uban pa nga mga kanasuran nga naga-claim sa nahisgutan nga mga isla nga andam ang Pilipi9nas nga bawi-on ang pagpanag-iya sa nahisgutan nga mga isla.
Sumala pa kang Sheen Duazo, Secretary General sa Bagong Alyansang Makabayan – Southern Mindanao nga angay lamang nga hingusgan sa Pilipinas ang mga katungod niini sa mga teritoryo nga sakop sa nasod sama sa Spratley, Pag-asa Islands ug Benham Rise.
Suportado sa grupo ang pagpanghingusog sa Pilipinas sa pagpanag-iya niini sa nahisgutan nga mga isla.
