DAVAO CITY – Gipaniguro sa Department of Agriculture 11 nga mamahimong bastante ang suplay sa bugas taliwala sa panahon sa ting-huwaw kon El Nino season.
Sumala ni DA 11 regional director Abel James Monteagudo, tungod kana sa sayo nga pag-ani sa mga palay nga gisiguro sa mga mag-uuma una pa man ang pag-abot sa dry season.
Nagpaniid gihapon ang National Food Authority sa in-and-out data sa suplay sa bugas sa merkado, diin kasamtangang mubalor sa piso hangtud dos pesos ang diperensya sa managlahing merkado sa rehiyon.
Sa pikas bahin, laraw karon sa buhatan ang dugang suporta sa mga mag-uuma pinaagi sa paghatag og libreng kabayo alang sa maayong paghatod sa mga produkto.
Usa sa mga lugar nga laraw nga mahatagan niini, mao ang mga mag-uuma sa Kapatagan, Digos City sa Davao del Sur diin kanidatong gitaho nga namroblema sa oversupply sa mga produktong repolyo.
via || Bombo LJF
