DAVAO CITY Gipasabot sa ahensiya sa Philippine Atmospheric Geophysical and Astronomical Services Administration (Pag-asa) Davao, pinaagi ni Ben Rosales nga walay nakita dinhi sa dakbayan sa Davao kagabii ang Super blood Moon gumikan sa Low pressure area nga maoy hinungdan nga nakasinate ang siyudad ug mapanganuron nga kahimtang sa panahon.
Kahinumduman nga daghanan ang naghulat aron lamang masaksihan ang talagsaon panghitabo apan pakyas ang mga dabawenyo gumikan kay natabunan kini sa baga nga panganod.
Gibutyag sab sa nahisgutan nga wala matud pay kamatuoran nga kinahanglan adunay tinuohoan panahon nga masinatain ang Super blood moon ug usa lamang sumala pa kini nga natural nga panghitabo bisan nga talagsa lamang kini nga mahitabo.
Nasayran sab sa nahisgutan nga subli sumala pa nga masinatian ang super blood moon sa mosunod nga 30 ka tuig.
Hinuon sa bulan sa Hulyo ning tuig kasamtangan, aduna pay laing total lunar eclipse nga masaksihan apan dili na sumala pa kini blue moon.
