DAVAO CITY – Anaa sa 12 ka mga pamilya ang apektado sa nahitabong sunog sa Purok Kaislaman, Magsaysay-4, Barangay Central, Mati City, Davao Oriental nga nanukad kagahapon bandang alas-11 sa udto.
Sumala pa sa taho, nagsugod ang pag-ulbo sa maong kalayo sa panimalay ni Toto Abdu nga mikuyanap ngadto sa ubang kabalayan sa maong dapit nga gama lamang sa mga light materials.
Nagtinabangay ang mga kabumberuhan ug kasilinganan sa pagpagkang sa maong sunog hangtod na-fire out kini bandang ala-una sa hapon.
Sigon sa datos, anaa sa 4 ang totally damage samtang 1 ang partially damage nga panimalay sa nahitabong sunog.
Nagpaabot og hinabang ang Mati LGU nga gihikling ug kasamtangang nahimiyo sa covered court sa nahisgutang dapit. Giimbestiga sab sa BFP 11 ang hinungdan ug kinatibuk-ang danyos sa maong sunog.
via || Bombo LJF
