DAVAO CITY – Milungtad ngadto sa halos siyam ka oras ang pakigkombati sa kabomberohan sa dakung sunog nga miulbo sa Juan Luna Extension, Lizada St., ug sa Ramon Magsaysaya Ave, ning dakbayan nga naka-ugdaw ug baynte ka mga kabalayan ug upat ka mga establisamento.
Misugod sa pag-ulbo ang kalayo kaganinang alas 3:00 sa kaadlawon nga naka-ugdaw gilayon ug baynte ka mga kabalayan.
Sa dihang nakatabok na kini sa mga balay pamatigayon sa dapit mas nalisdan ang kabomberohang gumikan kay tag-tulo ka andana ang nahisgutan nga mga balay patigayon nga nagabaligya ug mga produktong plastic, goma, ug tela.
Nalisdan ang kabomberohan nga makontrola gilayon ang sunog gumikan kay wala dayon gina-ablihan sa mga tagdumala sa balay pamatigayon ang mga pultahan sa ilang establisamento aron nga maigo sa tubig ang nagpout nga kalayo.
Migamit pa sila ug kemikal aron nga makapenetrate ang tubig sa mga produktong goma ug tela sulod sa mga nangasunog nga mga balay pamatigayon sa Ramon Magsaysaysay Avenue.
