DAVAO CITY- Mikalas og duha ka kinabuhi ang dakong sunog nga miulbo kagahapon sa gabie sa Magallanes Riverside, Barangay 2-A ning dakbayan sa dabaw.
Ang maong sunog ang nagsugod bandang alas 8:20 sa gabie ug gikatahong na fire out kini bandang alas 1:05 na sa kadlawon.
Base sa datos nga gipagawas sa Barangay Social Welfare and Development Office, anaa sa 203 mga pamilya kon 545 ka mga indibidual ang naapektuhan niini, nga anaa na karon nahimutang sa Magallanes Elementary School.
Pagsaysay ni Diana Lopez, inahan sa usa sa mga biktima nga atong higayona nihawa ang gisaligang tigbantay sa mga bata ngadto sa usa ka tindahan apan gilimod niini nga nag inom ang maong tigbantay rason nganong wala nasalbar ang duha ka mga bata.
Dugang pa sa inahan nga gisulayan pa ug bira ang duha ka bata apan gumikan kay natrauma kon nahadlok na daw kini sa taas nga bahin sa ilang balay, namaak kini rason nganong wala dayun sila nagawas sa balay.
Base usab sa gipagawas nga progress report gikan sa Davao City Police Office ang duha ka bata nga pulos nga PWD ang gihinganlang sila Rjay Lopez, 11 anyos ug Roy Reteza, 14 anyos.
Ang maong duha ka mga bata nga nakabsan ang nakit-an na lamang sa sulod sa comport room sa maong nasunog nga panimalay.
Ning kasamtangan anaa na sa Villa Funeral, Toril ang mga patayng lawas sa duha ka biktima. Base usab sa impormasyon gikan sa Barangay Social Welfare and Development Office, gibana-banaang anaa gayud sa PhP 2,250,000.00 ang damyos sa maong sunog.
