DAVAO CITY – Nangapulaw ang mga residente sa Barangay 26-C ug sa mga magpapatigayon sa Ramon Magsaysay Avenue samtang ga-atang kung kanus-a hingpit nga mapalong ang sunog.
Mokabat ngadto sa baynte singko0 oras ang pag-ulbo sa kalayo sa mga balay pamatigayon.
Gumikan niini sa kilid lamang una sa karsada nagpabilin ang mga magpapatigayon ug mga residente sa dapit nga apektado nga sunog.
Nagpulaw ang mga negosyante aron sa paghaw-as sa ilang mga baligya kung magpadulong na sa ilang establisamento ang sunog.
Nasayran sa tala sa City Social Services and Development Office (CSSDO) mikabat na sa baynte kwatro ka mga homeowners ang nasunogan, upat ka mga sharers, baynte siete ka mga renters, ug setenta ka mga borders.
Nasayran kang CSSDO poblacion B, District Social Welfare Officer Verginia Bautista, nagapahigayon na sila ug relief operation ngadto sa mga nasunogan.
Gibana-bana na sa BFP nga mokapin na sa usa ka milyon ka pesos ang nahimong kadaut sa sunog.
Nasayran nga gatusan ka mga residente nga biktima sa sunog ang nagpunsisok sa temporary shelter area nga gipahimutang sa mga barangay officials.
Una nang gipahayag sa mga biktima nga mobalik pa gihapon sila sa dapit nga nasunog aron nga subling motukod sa ilang mga pinoy-anan.
