DAVAO CITY – Walay natala nga casualty ang mga sakop sa kabomberohan sa nahitabong sunog kagahapong adlawa sa Northwood Subdivision, Brgy Magsaysay, Nabunturan, Davao De Oro.
Una niini, gilayon nga miresponde ang mga sakop sa Nabunturan Fire Station dungan sa pag-ulbo sa kalayo sa usa ka panimalay sa lugar.
Wala pay gipagula ang otoridad kung pila ang kinatibuk-ang damyos sa maong insidente ug unsa ang hinungdan niini.
Dungan sa pagsaulog sa Fire prevention month, nagpahinumdom ang kabomberohan nga kinahanglan palungon ang mga appliances kung dili kimi gamiton ug angayan nga ibton sa saksakanan.
Likayan matud pa ang sobra nga pag-charge ang mga re-chargeable nga mga butang ug dili ipatong ang mga butang nga dali ra nga musila-ob.
Kinahanglan sab sumala pa nga i-check ang mga saksakanan, adoptors ug lain pang mga electrical equipment.
Gilayon sab dayon nga makiglambigit sa BFP sa higayon nga adunay moulbo nga sunog arun nga dali sab nila kini nga marespondehan.
