DAVAO CITY – Gipanubayan na karun sa otoridad ang hinungdan sa pag-ulbo sa kalayo nga milamoy sa pipila ka mga establisyemento nga nahimutang Cabaguio Avenue ning siyudad pasado alas oto kagabie.
Dali nga miresponde sa lugar ang mga sakop sa kabomberohan human nga paspas ang pagkatag sa kalayo.
Sa inisyal nga imbestigasyon, namaligya ug accessories ang nahisgutan sa sakyanan ang tindahan nga kalakip sa gilamoy sa kalayo.
Hinuon walay natala nga casualty ang otoridad human ang nahisgutan nga insidente.
Pahimangno na lamang sa kabomberohan nga kanunay i-check ang mga linya sa kuryente nga maoy sagad tinubdan sa sunog ilabi na kung karaan na ang mga wirings niini.
Dili pa mabutyag sa otoridad ang kinatibuk-ang damyos sanglit nagpadayon pa ang gihimong imbestigasyon.
