DAVAO CITY – Misaka sumala pa ug 35% ang ihap sa mga nahitabong sunog sa dakbayan sa dabaw atol sa unang quarter niining tuig kasamtangan kung itandi sa susamang paanhon niadtong nakalabay nga tuig.
Subay sa record sa Bureau of Fire Protection (BFP) nakahimo sila sa pagrecord ug 122 ka mga sunog gikan enero hangtud marso niining tuig 2017, mas taas tandi sa 90 ka mga sunog nga narehsitro sa susamang panahon niadtong 2017.
Gikanayon ni BFP-Davao deputy head of the Investigation Section Senior Fire Officer (SFO) 2 Ramil Gillado, sa 22 ka mga sunog karong tuiga, 51 niini gikalambigitan sa mga buildings, 5 – industrial, 11 – mercantile, 2 – strorage, 4 – business, 3 – educational, 2 – places of assembly, 2 – miscellaneous, 19 – grassfire, 9 – rubbish fires, 6 – electrical posts ug 9 – motor vehicular incidents.
Samtang mokabat usab sumala pa sa 17.37 million pesos ang gikatalang damyos sa sunog sa BFP diin pinaka-komon nga hinungdan sa kalayo mao ang electrical short circuit, nga gisundan sa napasagdang kandila, tangke sa LPG o stove, sigarilyo ug arson. Luyo sa pagsaka sa ihap sa sunog, gikanayon ni Gillado nga nagpadayon ang BFP paglusad ug mga safety inspections ug information drive sa matag barangay.
Gidasig usab niini angpubliko nga mag-amping sa kanunay ug angayang makahibalo sa mga fire safety measures.
