DAVAO CITY – Nadakpan sab sa susamang adlaw ang usa ka sundalo ang nalambigit sa pagbaligya og armas.
Gilusad kagahapon sa mga sakop sa Criminal Investigation and Detection Group – Davao City Field Unit ang usa ka operasyon sa may Riverfront City, Diversion Road, Maa, ning dakbayan, alang sa pagkasikop sa suspek nga si Ahmad Matawag, 36 anyos, personahe sa 10 Infantry Division ug lumulupyo sa Kidapawan City.
Positibong napalitan sa poseur buyer ang suspek ug usa ka M16 rifle samtang nakuha sab gikan sa suspek ang usa ka fragmentation grenade sulod sa iyang sakyanan, ug uban pang hinagiban.
Mag-atubang karon ug kasong pagsupak sa Republic Act 10591 kon Comprehensive Dangerous Firearms and Ammunitions Regulations Act ug Republic Act 9516.
VIA || Bombo LJ Florendo
