DAVAO CITY – Gikatakda na nga pasakahan ug kaso ang usa ka sundalo human nga gi-unay niini pagpatay ang iyang kaubanan nga usa ka Corporal gumikan kay miuli sumala pa kini nga hubog sa ilang kampo.
Nahitabo ang maong insidente alas nuebe sa buntag atol sa Sabado de Gloria sa 67th Infantry Battalion, Patrol base sa Crossing Malibago, Barangay Malibago, Cateel, Davao Oriental.
Una ng naila ang biktima nga si Corporal Dominador Galvano, squad leader sa 67th IB, samtang ang suspek mao si Private First Class (PFC) Mijohn Andol Silva.
Sa imbestigasyon sa kapulisan, nananghid ang suspek ngadto sa biktima nga molakaw sila sa sa patrol base kay mangaligo sa Aliwagwag Falls kauban sila si Private Valler ug PFC Alteveros.
Dihang miuli na ang biktima sa ilang kampo, gihinabi sumala pa kini sa suspek nganong nadugayan ug uli ug lango pa sa ilimnong makahubog.
Nasuko sab ang suspek sa gisulti kaniya sa iyang squad leader nga maoy hinungdan nga mikuha kini sa iyang M4 rifle nga maoy iyang gigamit pagpusil sa biktima tumong sa ulo niini nga maoy hinungdan sa iyang hinanali nga kamatayon.
Narekober sa crime scene ang usa ka M4 rifle, kinse ka mga buhing bala, usa ka long magazine ug walo ka mga basiyo sa bala nga maoy gipabuto sa suspek.
Sa kasamtangan, gibalhog na ang suspek sa Cateel Municipal Police Station samtang giandam na ang nga ipasaka batok kaniya.
